Pîrozkerdena 1ê Gulane yê Îstenbolî de 5 kesî ameybî destbendkerdene înan ra 2 kesî gedeyî bî. Kesê ke amebî destbendkerdene ameyê veradayene. Ame zanayene ke qereqole de 2 gedeyî bi destê polîsan ameyê îşkencekerdene.
Vizêrî Meydanê Îskeleya Kadikoyî ya Stenbol de 1ê Gulane ame pîrozkerdene. Pîrozkerdiş de fotografê Rayberê Şarî Kurdî Abdullah Ocalan ameybî akerdene. Polîsan bi maneyê akerdişê fotografê Rayberê Şarê Kurdî Abdullah Ocalanî, hêrişê ciwanan kerd û înan ra 2 tira gedeyî 5 kesî ameybî destbendkerdene.
Kesêk badê destbendkerdene rasterast ame veradayene, 2 kesî badê îfadeyanê qereqole ra amê veradayene. Ame zanayîş ke her 2 gedeyî ke ameybî destbendkerdene Qereqola Polîsan ê Rihtimî yê Kadikoyî de bi îşkenceyê polîsan rê rîbirî mende. Goreyê agahîyê ke gedeyan dayê, polîsan ê erd ra qaş kerdê û bi paşkulan daye înan ro. Badê îşkenceyî gedeyê ameyê veradayene.
Ame zanayene ke do her 2 gedeyî dima ra şorê mehkeme û îfadeyê înan bêrê girewtene.
