Festîvalê Tîyatroyî yê Amedî yo Mîyanneteweyî yê 11. bi rojan û çoşêke girde dewam kerdene, bi kayê ‘RAR’ qedîya.
Festîvalê Tîyatroyî yê Amedî yo Mîyanneteweyî yê 11. bi sloganê “Seba aştî dîyalog” amebî viraştene qedîya. Kayê ‘RAR’ ke hetê Grûba Tîyatroyî ya Îştar (Ishtar Theatre Company) yê Tunusî ra ameya amadekerdene, Salona Girde ya ÇandAmed de vejîya sehneyî ser. Kay hetê Ezzeddîn Bchîr ra ameya nusîyene û rejîsorîya kaye zî ey kerdbî. Na kay ke 70 deqîqe ramit, bi ziwanê erebkî û franskî ameye kaykerdene û binnuştena kurdkî, tirkî û îngîlîzî resa temaşekerdoxan.
Kay taybetî serê dejê şerî, babeta koçberî û tesîrê krîzanê sîyasî yê serê cuya merdiman vindena. Kay mesajê “azadî tena babetêka sîyasî nîya” persêka mendiş û nêmendişê kerematê merdimîye ya” dana. Kay de ame dîyarkerdene ke mîyanê şer û tarîtî de pawitişê rûmetê merdimî û waştena cuyêka bêters, heqo tewr bingeyin o.
Tîyatro bi çepikanê temaşekerdoxan qedîya
Badê tîyatroyî grûba ke Uganda ra amebî salona ÇandAmedî de deyîrî vatî û kayê xo yê gelerî kaykerdî. Girseye reyde govende girewte, badê programê grûba Uganda, hunermend Kemal Ulusoy plaketê xelate dîyarê grûbe kerd. Pragram bi çarnayîşê govende qedîya.
Bi mojnayîşê kayê tesîrdarê Festîvalê Tîyatroyî yê Amedî yo Mîyanneteweyî yê 11. emserr perdeyê xo girewtî.
