Rêxistina Efûyî ya Mîyanneteweyî (Amnesty International) eşkera kerd ke 13 çalakîkerî tehlukeyê dardekerdişî reyde rî bi rî yê û dîyar kerd ke Îran de cezayê dardekerdişî yê ke seba girewteyanê sîyasîyan û çalakîkeran yenê dayene, zêde bîyê.
Rêxistina Efûyî ya Mîyanneteweyî, derheqê rîskê dardekerdişê 13 çalakîkeranê Îranî de raporêk weşana û hişyarî daye. Raporî de ameye zanayene ke 13 çalakîkerê ke cezaya dardekerdişî girewta, rîskê înfazkerdişî reyde rî bi rî yê.
Raporî de ame vatene ke çalakîkerî bi zorî ameyê îtirafkerdene, rastê îşkence û cezaya qamçîyî ameyê; girewteyê hucreyanê yewkesîyan de yenê girewtene û muhakemkerdişêko bêhiqûq reyde rî bi rî mendê.
Rêxistina Efûyî ya Mîyanneteweyî qeyd kerd ke huqûqê Îranî de cezaya dardekerdişî ya keyfî ke seba girewteyan sîyasîyan û beşdaranê protestoyan yena dayene, zaf zêde bîyê. Reyna ame vatene ke Îran bi nê cezayanê dardekerdişî wazeno komelî de ters awan bikero û vengê muxalîfan sist bikero.
