Goreyê çeteleyê şîdetî yê aşma Nîsane yê JINNEWSî, mîyanê aşmêk de tewr kêm 25 cinîyî û gedeyî ameyê qetilkerdene, 14 cinî û gedeyî zî bi şeklêko şikdar dinyaya xo vurnaya.
Çeteleyê şîdetî yê aşma Nîsane ke JINNEWSî xeberanê çapemenî ra arêdayê, rîyê şîdetê yê camêrdan reyna mojna.
Şikdarî ê kesê ke tewr nêzdî yê
Goreyê daneyan, 5 cinîyî hetê camêrdan ra ke înan nas kenê, yew cinî hetê zamayê xo ra, 8 cinîyî hetê camêrdan ra ke înan reyde zewicîyayê, 4 cinîyî hetê domananê xo ra, cinîyêk hetê camêrdêkî ra ke nas nêkena, cinîyêk hetê camêrdekî ra ke nasnameyê ey nêameyo eşkerakerdene, 5 cinîyî hetê camêrdan ra ke verê cû yewbînan ra cîya bîyê, cinîyêk hetê pîyê xo ra, 2 cinîyî hetê camêrdan ra ke pîya ciwîyenê, ameyê qetilkerdene.
Goreyê Şaristanan
Goreyê daneyanê şaristanan, Stenbol de 7, Mugla, Bursa, Çanakkale, Îzmîr, Anqara de 2 cinîyî, Erdexan, Mêrsîn, Samsun, Hatay, Dîlok, Mereş, Erzirom, Edene de cinîyêk ameyê qetilkerdene.
