Dayîkê Aştî, do çarçewaya prosesê Aştî û Komelê Demokratîkî de partîyanê sîyasî yê ke Meclîsî de grûba înan est a, zîyaret bikerê.
Dayîkê Aştî, do çarçewaya prosesê Aştî û Komelê Demokratîk de partîyê sîyasî yê ke Meclîsî de grûba înan est a, zîyaret bikerê. Heyetê Dayîkanê Aştî, 7-8 gulane de do Partîya Gelecek, Partîya DEVA, Partîya Saadet û CHP’yî zîyaret bikero. Heyetê Dayîkanê Aştî de Behîye Yalçin, Afîfe Kartal û Muzeyyen Butun do ca bigîrê. Sewbîna Dayîkan reyde verfeka Partîya Têduştî û Demokrasî ya Şaran (DEM Partî) Ayşegul Dogan û Parlamentera DEM Partî ya Amedî Adalet Kaya do hemkarî bikerê.
Dayîkê Aştî do na çarçewa de meşte saete 14:00î de Partîya Gelecek, saete 16:00î de Partîya DEVA, Saete 17:00î de zî Partîya Saadetî zîyaret bikerê. Dayîkê Aştî, do 8 gulane saete 12:00î de CHP’yî zîyaret bikerê. Yeno pawitene ke Dayîkê Aştî do AKP û MHP’yî zî zîyaret bikerê.
