MKG’yî raporê xo yê aşma nîsane yê derheqê binpaykerdişê heqanê rojnamegeranê cinîyan eşkera kerd. MKG’yî dîyar kerd ke zextê vera rojnamegeran tena hedîseyêk nîya sîyasetêko zafhetî yo û bi sîstematîk dewam keno.
Komela Cinîyan a Rojnamegeran a Mezopotamya (MKG), raporê xo yê aşma nîsane yo derheqê binpaykerdişê heqanê rojnamegaranê cinîyan weşana. MKG’yî raporî de dîyar kerd ke dewamkerdişê newe ra muhakemekerdiş û tekrarkerdişê cezayan, bi taybetî binpaykerdişê qeraranê Mehkemaya Qanûno Bingeyî zî tede, sey delîlê muhîm vejînê vernî ke qerarê hukmî bi hawayêko sîstematîk vera rojnamegeran yeno caardene.
Raporê MKG’yî:
“Nîsane 2026î de, binpaykerdişê heqanê merdiman ê vera rojnamegeranê cinîyan bi hawayêko zafhetî û sîstematîk dewam keno. Daneyê ke raporî de ameyê mojnayene eşkera kerd ke rojnameger hem qadan de, hem bi rayîrê mekanîzmayanê hukmî û hem zî warê dîjîtalî de înan rê teda ameya kerdene.”
Çalakîyê rojnamegerîye ameyê hedefgirewtene
Her çend hêrişê rasterast ê fîzîkî û pêlê destbendkerdeyanê giranî aşma nîsane de sînordar asayênê zî, astengkerdişê taqîbkerdişê xeberan ê rojnamegeran, tehdîdkerdiş û orterahewanayîşê heqanê înan ê persan binpaykerdişê eşkera bîyê. Bi taybetî qeraran de ke 1ê Gulane ra ver ameyê girewtene rojnamegerî ameyê astengkerdene. Parlemento de rojnamegerêk rîyê persanê xo ra raştê mudaxaleyê fîzîkî ame û çalakîyê rojnamegerîye rasterast ameyê hedefgirewtene.
Nê prosesî de, tehdît û destdergkerdişê bingeyê cinsî ser o vera rojnamegeran dewam kerd. Mudira Xeberan a JINNEWS’î û Sereka Şûbeyê ma yê Wanî Oznur Deger roportajêkî kuçeyî de maruzê tehdît û hêrişkê fekî mendbî. Na hedîse ra eşkera bi ke vera rojnamegeran tedayî dewam kenê.
Rojnameger Hamdîye Çîftçî Oksuz rê bi îdiaya ‘endamtîya rêxistine’ 6 serrî û 3 aşmî ceza ameya dayîş, na nimune ra yeno famkerdene ke krîmînalîzekerdişê rojnamegerîye bi rayîrî sîstemê hukmî yeno kerdene.
Warê îfadeyê azadîye de, tedayanê hukmî aşma nîsane de bi hawayêko eşkera dewam kerd. Xeylî rojnamegeran bi îdiyanê sey ‘endamtîya rêxistine’ , ‘propagandaya rêxistine’ , ‘heqaret’ û ‘risîyakerdişê dewlete’ cipersayîş û muhakemakerdişan reyde rî bi rî mendê. Dewayanê dewamkerdeyan û rojnamegerê ke yenê muhakemekerdeyan ra eşkera beno ke hukm sey wasitayê teda xebetîyeno. Çalakîyê rojnamegerî yenê krîmînalîzekerdene.
Hesabê medyaya dîjîtal yenê girewtene
Hadîseyê warê medyaya dîjîtalî, tarzê newe yê sansurî eşkera kerd. Aşma nîsane de, hesabê medyaya dîjîtal ê xeylî rojnamegeran ameyê astengkerdene, platformê xeberan ameyê girewtene û resayîşê xeylî meqaleyan ame sînordarkerdene. No çî rasterast îhlalkerdişê heqê xebergirewtişî yê komelî yo. Tedbîrê astengkerdişî yê ke ameyê caardiş, bi taybetî waştişê Heyetê Teknolojîyanê Agahdarî û Neqlkerdişî (BTK) û qedexeyê ke bi manayê Qanûnê 5651î ameyê dayîş, eşkera kenê ke warê dîjîtalî bi hawayêko kontrolkerdene bêro girewtiş.”
Komele, teferuatê raporî bi nê lînkî https://mkgdernek.org/kr/ keyepelê xo ser o vila kerd.
