Klûbê Amedsporî meşte seba şampîyonî û merasimê kupa bi tewrbîyayîşê xeylê hunermendan şayî virazeno.
Amedsporî bi munsabetê şayî serê hesabê xo yê Xî de eşkerayî da û şar dawetê merasimê kupa û şayî kerd. Eşkerayîya Amedsporî wina ya:
“Ma no hîkayeyo ke pîya nuştbî, nika zî kupa reyde wextê tackerdişî yo! Ma heme hetgir û şarê xo seba ke çoşê şampîyonî pêro pîya bicwîyê dawetê pîrozkerdişî kenê.”
Tarîx: 10ê Gulane Yewşeme Saete 16:00 de Ca: Parka Newrozî
