Cagirewtişê Unîversîteya Dîcle de pey Fakulteya Perwerdeyî kerdo cayê çopê eşteyo tibî.
Mîyanê cagirewtişê Dîcle de bi wesayîtê fermî yê Unîversîte wexto ke eşteyo tibî bi hawayêko kêfî yeno vengkerdene hêtê welatijan ra ame vînayene. Welatijan reaksîyon da mojnayene û seba eşteyo tibî waşt ke hişyarî bêro kerdene ke vernîya nê tehlukeyî bêro girewtene.
Warê Unîversîteya Dîcle seba ke serê newala Dîcle û kişta çemî de ca gêna eşteyo tibî hîna zêde zerar dano dorûverê xo, hem seba awe, herrî, hewa, gandar, flora û fauna rîskêko gird hewêneno, hem zî seba pêroyî xoza tehlukeyêko ekolojîk xo reyde ano.
Seke yeno zanayene Bexçeyê Hewselî û Sûrê Amedî serra 2015 de hetê UNESCO’yî ra seba pawitişê nê cayan girewtbî lîsteya mîrasî yê dinya la cayêko eşteyo tibî ameyo vengkerdene tîya ra zaf nêzdîyo.
Qeraxê Çemê Dîcle û Bexçeyê Hewselî vera heme tewir qirejkerdiş û talanê xoza, ganî no mirasê dinya bêro pawitene.
