Her serre Karaburunê Îzmîrî de aşma çeleyî ya roja 20î de Festîvalê Nêrgize yeno organîzekerdene. Çimkî welatê na vilike, Karaburunê Îzmîrî yo. Hema hema her dewa Karaburunî de heqayîya nêrgize yena kerdiş.
Emserre zî na vilika weşike tezgahan de cayê girewt û her kes na vilike, sey vilika eşqî zanenê. Estenika na vilike, estenikakêka mîtîlojîk a. Qehramanê na astenika zî Narkîssos û Ekho yê. Narkîssos ciwanêko zaf bi erjîya û bedew o, kam ya kêna yî bivîno, eşiqê ci beno.
Estaneka mîtolojîk
Ekho zî kênayêka zaf bi weşik a, sey kênaya perî ya. Weş û rindîyeyîya Ekho zî sey destanêk a. Ekho qet camerdan ra rî nêdana la rojêk daristan de Narkîssos vînena, Narkîssos zî no demî karê seydwanî keno. Ekho bejn û balê Narkîssosî ra eşiq bena la Narkîssos eşqê Ekho rê elaqa nîşan nêdano.
Wa o zî sey mi hes bikero
No ser zî Ekho eşqê xo ra her ke şona helîyena û roj yena cuya vînî kena. Ekho verê mergê xo, Narkîssosî ra zewtê “O zî sey mi wa hes biko û nêreso heskerdişê xo ra” dana.
Esteyê Ekho yê her roj kerrayê qeraxê behrî xo danê piro û vengêk vejenî ra zî ewro ‘eko’ yeno vatene. Yeno bawerkerdene ke kerrayê qeraxî yê behrî, deja eşqî ya Ekho qirenê û vengê eko vejenê.
Homayan ceza danê
Koya Olîmposî de zî Homayan Narkîssosî ra zaf hêrs benê û ci rê cezayêka zaf bi gird danê. Narkîssosî erşewenê karê seydwanîye rê, demê seydwanîye zî Narkîssos xobixo rê eşiq beno. Peynî zî sey Ekho, roj bi roj helîyeno û mireno. Laşê Narkîssosî peynî xo açarneno vilika Nêrgize rê.
Vatişê narsîst û narkozî
Kesêkî xo zaf hes kenî ra narsîst yeno vatene, yeno bawerkerdene ke vatişê narsîst û narkozî zî na estaneka mîtolojî ra yenê.
