Roniştişê dîyin ê dewa de cezaya dardekerdişî seba Ecac Tikrîtî ke sey celadê Enfalî yeno zanayene, ameye dayene.
Mehkema Resafe ya Bexdadî de roniştişê dîyin ê dewaya Ecac Tikrîtî ameya viraştene. Ecac Tikrîtî mîyanê şarî de sey celadê hepisxaneyê Nugre Selmanî yeno zanayene. Netîceyê muhakemekerdişî de cezaya dardekerdişî seba Ecac Tikrîtî ameye dayene.
Ecac Ehmed Herdan bi nameyêko yeno naskerdene ‘Hecac yan Ecac Tikritî’ şaristanokê Tikrîtî ra yo girêdayeyê şaristanê Selahadînî yo. Ecac Tikrîtî eşîra Saddam Huseyînî ra yo. Badê rijiyayîşê rejîmê Baasî, Kerkuk ra verê xo da Sûrîya û taxa Cermane ya paytexta Sûrîya Şam de ciwîyayene.
Hîrê lajê Ecac Tikrîtî bîbî ke înan ra di hebî bîyî çekdarê El-Qaîde û şerê qezaya Ziluye ya sînorê şaristanê Selahadînî de ameyê kiştene. Sewbîna lajê ey o qij Raîd Sûrîya de pîyê xo reyde ciwîyayene.
Sucdaro sereke yê Hepisxaneyî Nugre Selman Ecac Tikrîtî sey ‘celadê kurdan’ yeno naskerdene roja 31ê temuze 2025î de amebi girewtene û ewro roniştişê dîyine yê dewa de cezaya dardekerdişî seba ey ameye dayene.
