AAAF, AABK û ABF ser da piroyê Konseya Neteweyê Yewbîyayeyî û peynî zî beyanat dayê û beyanat de ame vatiş ke Sûrîye de her ke şono qetilkerdişê elewîyan zêdîyeno, ganî mudaxeleya lezûbez bêro kerdene.
goreyê xebera PÎRHA’yî Federasyonê Elewî yê Ereb ê Ewropa (AAAF), Konfederasyonê Yewî yê Elewî yê Ewropa (AABK) û Federasyonê Bektaşî yê Elewî (ABF) seba ke Sûrîye de qirkerdişê elewîyan peynî bibo muracaetê Konseya Neteweyê Yewbîyayeyî kerd. Dima muracaetî zî beyaneto nuşteyîn dayê.
Beyanat wina yo: “Nika Sûrîye de şer cayê xo veradayo terorî û verba merdimeyî de zî qirkerdiş yeno kerdene. Kom û şarê ke bêewleyî de cuyenê, binê telukeyê çinbîyayişî de yê. Bi aşkera elewîyan yenê hedefgirewtene û no ser zî ma zî sazîyê mîyaneteweyî ra muracaet kerd. Ma dîyar kenê ke hetê şarê Sûrîye de yê, ma ameyoxêko adîl û bi hêvî wazenê. Ma do seba Sûrîyeya demokratîke ser o zî têkoşîn bidê.”
