Tedayê rejîmê Îranî yê cinîyan ser o zêde benê. Ame eşkerakerdene ke rejîmê Îranî di çalakîkeranê cinîyan rê, yew ci ra 27 serrî û yew zî 26 serrî cezaya hepsî daya.
Mehkemaya şaristanê Simnanî ya Îranî derheqê dayîşê cezaya hepsî ya di cinîyanê çalakîkeran ser o eşkerayîyêk vila kerd.
Eşkerayî de ame dîyarkerdiş ke cinîyê bi nameyê Fatme Melek Ehmedî û Leyla Remezanî bi sucdarîya têkilîya medyaya muxalîfî reyde û vilakerdişê fotografê bombabaranî cezaya hepsî ci rê ameya dayene.
Ame dîyarkerdiş ke Fatme Melek Ehmedî rê 26 û Leyla Remezanî rê zî 27 serrî cezaya hepsî ameye dayîş.
Ame vatiş ke teberê cezaya hepsî de, cezaya bêparverdayîşê xizmetê dewlete, qedexeyê şîyayîşê teberê welatî, bêparverdayîşê endamîya partî, grûbê sîyasî û komelî zî înan rê ameyî dayîş.
