Şaredarîya Peyasî, bi amancê xurtkerdişê ekonomîya herême û averberdişê berardeyê kolektîfî û seba keyeyanê dest tengan komunê ramitene ame ronayene.
Serê 20 donim erdî de, bi hetkarîya keyeyê ke ameyê înan kêmîyo mîyanê sînoranê Şaredarîya Peyasî de, komunê ramitene ame ronayene. Hemşaredarê Peyasî Cengîz Dundar, bi temsîlkarê Odeya Muhendîsanê Zîretî yê TMMOBî û sazgehê sivîlî yê şaristanî ra çarçewaya modelê berardişî pêgirewtene de şitlê firingîyan, îsot, balîcan û xîyaran ramitî.
Do paştî bidê keyeyanê dest tengan
Projeya ke serê bingeyê rayberîya herêmî yê demokratîk, ekolojîk û azadîya cinîyan ameya awankerdene, amanc kenê ke berardiş goreyê eko-sîstemî aver berê, kede û rolê cinîyan ekonomî de bêro asayene û paştîdayenêka xurte bide ekonomîya keyeyanê ke ameyê înan herême de kêmî yo.
Do kulturê hemkarî newe ra gandar bikerê
Keyeyê ke tewrê xebatanê komunî benê dîyar kerd ke ey wazenê kulturo kevnar ê pêgirewtene û paştîdayene yê Mezopotamyayî bi nameyê “zibare” û sey “hemkarî” yeno zanayene newe ra gandar bikerê. Înan vat ke bi sîstemê paştîdayene dihetî yê serê erdêke 20 donimî, ey do bi kedêka hempare fêkîyanê xozayî beradiş bikerê.
Do na proje bibo mîsal
Zerrîwazê hetkarî û rêxistinê komelî paştîdayena ronayîşê komunî kenê. Tewrbîyayoxê ke proje de ca gênê, vanê ke no înîsîyatîf wexto ke munaqeşeyê ser koperatîf û modelê hemparî yê berardişî zêde bîyê de do bibê îlham seba xeylê projeyanê bînan ê komelkî.
Xebata ramitene ya komunal gamêka muhîm a
Keyeyan vengdayîşê heme beşanê komelî kerd ke ramitene ra bigîro heta hesad bibê beşêke yê hewldayîşê kolektîf û bi kede paştî bidê nê modelê ramitene xozayî û pêgirewtene. Na xebata ramitena komunal sey gamêka muhîm yena vînayene û alternatîfêko pratîkî yo bingeyê pêgirewtene ser. Ekolojî û seypêyîya cînsî dano mojnayene.
