Serekwezîrê Îsrailî Benjamin Netanyahu kombîyayîşê kabîneya xo de yew hîşyarîya zaf krîtîk da û diyar kerd beno ke Îsrail yew şerê muhtemel ê vera Îranî de bi sereyê xo bimano.
Serekwezîrê Îsrailî Benjamin Netanyahu derheqê şerê Îranî de eşkerayîyê balkêşî dayî. Netanyahu kabîneya wezîranê xo de rî bi rî mendişê fîzîkî û dîplomatîk ê Îsrailî yê warê mîyanneteweyî de qebûl kerd û bale ante serê kêmîbîyayîşê paştîdayîşê DYA’yî, vindarnayîşê şawitişê çekan û tecrîdê dinya yo ke vera Îsrailî de yo.
‘Beno ke ma bi sereyê xo şerê Îranî bikerê’
Netanyahu yew şerê muhtemel ê vera Îranî ser o wina vat: “Beno ke Îsrail mecbur bimano ke bi sereyê xo vera Îranî rî bi rî bimano. Ma nêwazenê bireso na astê, la ma zane ke ma eşkenê naye bikerê.”
