Rêxîstînê Elewîyan seba ke Colanî do Anqara da bêro pêşwazîkerdene reaksîyon nîşan da û wîna vat: “Herînda ke o bêro muhakemekerdene protokolî de pêşwazîkerdîşê ey qebulkerdîşê sucanê ey o. O Sûrîye de kîştoxê bi seyan Êzîdî, Kurd, Xrîstîyan û Elewîyan o.”
Serekê Heyet Tahrîr el-Şamî (HTŞ) Ebû Muhammed Colanîyo ke hema zî lîsteya rêxistinê terorî de ca gêno do hetê Erdoganî ra Anqara de bêro pêşwazîkerdene.
Ama zanayene ke Colanî do saet 17:00î de Serekkomar Erdogan reyde yewbînan bivînê. Ê do saraye de pêvînayîşê xo bikerê.
Federasyonê Elewî Bektaşî (ABF), Konfederasyonê Yewbîyayeyî yê Elewîyan yê Ewropayî (AABK), Federasyonê Elewîyanê Tirkîya (ADFE), Komelê Kultur yê Elewîyan (AKD), Weqfa Kulturî ya Anatolîyayî ya Haci Bektaşî Welî (WKAHBW) û Komela Kulturî ya Pîr Sultan Abdalî (KKPSA) seba ke Colanî do bi torenêko fermî bêro pêşwazîkerdene reaksîyon nîşan da û vat ke Colanî kesêko winasîn o ke sucê merdimîye keno.
‘Colanî kiştox o: Bi protokol pêşwazîkerdişê ey qebulkerdişê sucanê ey o’
Bi statuyê serekê dewletî pêşwazîkerdişê cergêko mîyanneteweyî sere de şaranê Rojheletê Mîyanên dima ra tehdîtkerdişê ma Elewîyan o. Îqtîdarê AKP yê 22 serrînî de ma zaf çîyanê antîdemokratîkan reyde rî bi rî mendê la no hemînan ra xirabêr o. Tirkîya û dewletanê bînan yê Dinya de Colanî sey terorîst ameyo îlankerdene û o kiştox o.
Herînda ke o bêro muhakemekerdene protokolî de pêşwazîkerdîşê ey qebulkerdîşê sucanê ey o.
O Sûrîye de kîştoxê bi seyan Êzîdî, Kurd, Xrîstîyan û Elewîyan o û berpirsîyarê nê sucan o yo. Colanîyo kiştox welatê ma û Sûriye ra vejîye!”
