Goreyê Ronahî TV, do ewro Fermandarê HSD’yî Mazlum Ebdî Hewlêr de Tom Barrack û Nêçîrvan Barzanî reyde kombîyayîşêk bikero.
Goreyê xebera Ronahî TV, Fermandarê Pêroyî yê Hêzanê Sûrîya Demokratîk (HSD) Mazlum Ebdî başûrê Kurdîstanî de yo. Goreyê na xebere, do Mazlum Ebdî Temsîlkarê Taybet ê Serekê Amerîka Tom Barrack û Serekê Herêma Kurdîstanî Nêçîrvan Barzanî reyde bêro têhet.
Yeno texmînkerdene ke kombîyayîşê Mazlum Ebdî û Tom Barrackî de babetê Sûrîye û peymana 29ê çeleyî ya ke mabênê HSD û hukmatê demkî yê Sûrîye de amebî îmzakerdene, bêra muneqeşakerdene.
