Çarçewaya caardişê peymana 29ê çeleyî de, heta nika her di hetan ra zî 1523 esîrî ameyê veradayene. Goreyê agahîyan, 200 ra zêdeyî esîrî hepîsxaneyê hukmatê demkî de yê.
Çarçewaya caardişê peymana 29ê çileyî de heta nika nêzdîyê 1032 esîrî hepîsxaneyê Hukmatê Demkî yê Sûrîya ra ameyê veradayene, esîrî hukmatî yê ke destê HSD’yî de yê înan ra zî 491 kesî ameyê veradayene.
Grûba 4. ê esîranê HSD’yî ke 32 kesan ra ware ameyê 8ê gulane de serbest ameyê veradayene.
Goreyê agahîyanê verênan ke hukmatê demkî û Rayberîya Xosere ra ameybî girewtene, hema zî mabênê 200-300 esîrî hepîsxaneyê hukmatê demkî de yenê girewtene.
Her gamê serbest veradayîşî esîran ra grûbek koçberê Efrînî agêrenê waranê xo. Çimeyêk dîyar kerd ke agêrayîşê grûba 4. ê koçberanê Efrînî do seba veradayîşê grûbêka newe yê esîran bêro erjnayene.
