Endama Heyetê Îmralî ya DEM Partî Pervîn Buldan cinîyê Sîyasetmedarî ke hepisxaneyê Kandira û Gebze de girewteyî zîyaret kerdî.
Pervîn Buldana ke endama Heyetê Îmralî ya DEM Partî ya, şîye Hepisxaneyê Girewte yê Kandira û Gebze de ke yê cinîyan o sîyasetmedarê cinî zîyaret kerdî. Pêvînayîşî de Buldan derheqê zîyaretê peyênî yê ke Rayberê PKK’yî Abdullah Ocalanî reyde Îmralî de ameybî kerdene de agahî dayî.
Buldan, Hepisxaneyê Cezayê Girewteyî yê Cinîyan yê Kandira de şî Hemsereka verêne ya HDP’yî Fîgen Yuksekdag zîyaret kerd û silam û mêsajê Ocalanî resnayî aye. Yuksekdag zî vat: “Ma prosesê ke Rêzdar Ocalanî reyde ameyo dest pêkerdene zaf erjîyaye vînenê. No proses do bibo qonaxêko newe yê têkoşînê ma yê ked û azadîye. Ma do bi heme samîmîyetê xo paştî bidê cî.”
