Şaredarîya Geverî, seba ke mîyanê mekanîzmayanê qerargirewtişî de veng û nameyê cinîyan xurt bîikera û xebatê têduştîya zayendî aver bero, Meclîsê Cinîyan awan kerd.
Şaredarîya Geverî ya Colemêrgî, bi amancê xurtkerdişê temsîlkarîya cinîyan a mîyanê mekanîzmayanê qerargirewtişî de û seba averberdişê xebatanê têduştîya zayendî ya komelî, Meclîsê Cenîyan awan kerd. Hemşaredare Şadîye Kirmizıigul, xebatkarê cinî yê ke binê banê şaredarîye de wezîfedar ê û endamê cinî yê meclîsê şaredarîye, bi kombîyayîşêko çapemenîye awanbîyayîşê Meclîsê Cinîyan eşkera kerd.
‘Ma do rolêko çalak bigîrî xo ser’
Şadîye Kirmizigul kombîyayîşî de qisey kerd û dîyar kerd ke amancê înan o yo ke cinî mîyanê her qada cuye de hîna zaf ca bigîrî û vat: “Bi amancê xurtkerdişê têduştîya zayendî ya komelkî û zêdekerdişê temsîlkarîya cinîyan a mîyanê mekanîzmayanê qerargirewtişî de, ma Meclîsê Cinîyan îlan kenî. Ma do bi rayîrê Meclîsê Cinîyan îmkan bidê ke lazimtî û waştişê cinîyan hîna zêde asaye û şênber bibê. Pîlkerdişê xebatanê çareserî de zî ma do rolêko çalak bigîrî xo ser.”
