Stenbol de komelê kultur û ziwanê Kurdkî (Zimanxane) bi bi heyecanêko gird ame akerdene. Heserekanê Zimanxaneyî Hulya Darak û Aslan Demîrî diyar kerd ke ganî wayîrvejîyayîşê ziwanî hîna baştir bo û vat: “Şarê ma do wayîrê Zimanxaneyî vejîyo. Ganî ma her ca bikerê Zimanxane.”
Komela Ziwan û Kulturê Kurdkî (Zimanxane) qezaya Umranîye ya Stenbolî de bi şahî û heyecanêko gird ameya akerdene. Xeylê welatî bi kinc û bergên xo yê herêmî tewrê programî bîyî. Rayberê komelî, Hemserek û rayberê partîyanê sîyasîyan, endam û temsîlkarê dezgeyanê sivîlan ê demokratîkan û zaf kesî tewrê programê akerdişî bîyî. Program bi birnayîşê qurdeleyî dest pêkerd û bi qiseykerdişê serê muhîmîya ziwan û pawitişê ziwanî dewam kerd.
‘Şarê ma do wayîrê Zimanxaneyî vejîyo’
Hemserekanê Zimanxaneyî Hulya Darak û Aslan Demîrî derheqê xebatanê xo yê naye ra pey de qisey kerd û vat: “Bi kedêka girde dezgeyê ma ameye ronayene. Ganî şarê ma zî wayîrê ziwanê xo vejîyo. Ma hêvî kenê ke şarê ma do wayîrê Zimanxaneyî vejîyo. Ganî her kes, her ca bikero Zimanxane.”
Badê qiseykerdişan Grûba Erbaneyî ya Amargî, hunermendê NÇM û dengbêjan deyîrê xo vatî. program bi girewtişê govende ra dima qedîya.
