Serekê Şaredarîya qezaya Adalarî ya Stenbolî Alî Ercan Akpolat zî tede 35 kesî ameyê girewtene. Vera şaredarîya qezaya Adalarî ya Stenbolî ke binê îdareyê CHP’yî de ya, 19ê hezîrane de operasyonêk amebî kerdene û 39 kesî ameybi destbendkerdene.
Badê karanê emnîyetî 39 kesî sewqê Edlîyeya Anadoluyî ya qezaya Kartalî ameyî kerdene. Dozgerî seba 35 kesan qerarê girewtene waşt û sewqê mehkemeyî kerdî.
Mehkemeyî derheqê serekê şaredarîye Alî Ercan Akpolatî, Alîkarê Serekê Şaredarî Huseyîn Yilmaz û Firat Durak zî tede seba 35 kesan qerarê girewtene ame dayene û 4 kesî zî bi qerarê kontrolê edlî ameyê veradayene.
