Dêrsim de çawişêko pispor ê bi nameyê A.Ç. kêneka ke emrê aye 18 serrî ra qîjêr o, Banê Mamostayan ê Tuncelî de girewte û nêverda şêra. Na hedîse ra pey ame îdiakerdene ke seba ke çawişo pispor ceza nêgiro, serê na hedîse ameyo girewtiş.
Na hedîse roja 19ê hezîrane qewimîyaya. Çawişêko pispor o ke Dêrsim de wezîfe keno, Banê Mamostayan de odeyêk de maneno û kêneka ke emrê aye 18 serrî ra qîjêr o, berda zereyê odeyî. Wezîfedarê banî pê na hedîse hesîyenê û personelî çawişî hişyar kenê, labelê çawişo pispor goş nêdano kesî û berê oda pey ra kîlit keno.
Bi hetkarîya temsîlkaranê Banê Mamostayan kêneke ode ra ameye vetene. Labelê fehm bi ke grûba polîsan ke ameyê wezîfedarkerdene, bê zabitgirewtiş cayê hedîse terk kerdo û şîyê.
Dêrsim de yeno vatene ke seba ke çawişo pispor ceza nêgêro serê na hedîse ameyo girewtiş.
