Hemsereka Daîreyê Têkilîyanê Teberî ya Rayberîya Xosere Îlham Ehmed û Fermandarê Pêroyî yê HSD’yî Mazlum Ebdî Ewropa ra a gêrayê.
Hemsereka Daîreyê Têkilîyanê Teberî ya Rayberîya Xosere Îlham Ehmed û Fermandarê Pêroyî yê Hêzanê Sûrîyeya Demokratîke ( HSD) Mazlum Ebdî ê ke 17ê hezîrane de seba pêvînayîşanê dîplomatîk şîbî Ewropa agêrayê.
Îlham Ehmed û Mazlum Ebdî seba pêvînayîşan ewil verê xo dabi Îtalya. Îtalya ra 18ê hezîrane de vîyartê Fransa. Dimayê pêvînayîşanê ke 18ê hezîrane de Fransa de kerdê, uca ra zî verê xo da Holanda.
Îlham Ehmed û Mazlum Ebdî Wezîrê Karanê Teberî yê Fransa Jean-Noel Barrotî reyde pêvînayîş kerd. Holanda de zî çend pêvînayîşê dîplomatîkîkerdê û vîyartê Belçîka. Îlham Ehmed û Mazlum Ebdî ewro serê siabyî bi pêvînayîşêko dîplomatîk ê Almanya reyde zîyaretê xo yê dîplomatîkî qedînayê. Detayanê pêvînayîşan ser o hema eşkerayîyêk nêameya dayene.
Erjeno merdim vajo ke Mazlum Ebdî 16ê hezîrane de Hewlêr de temsîlkarê taybet ê DYA yê Sûrîye û Îraqî Tom Barrack û Serekê Herêma Kurdîstanî Nêçîrvan Barzaî reyde zî pêvînayîş kerdbi.
