Hemsereka Dayîreyê Têkîlîyanê Teberî ya Rayeberîya Xosere Îlham Ehmed û Fermandarê Pêroyî yê Hêzanê Sûrîya Demokratîke (HSD) Mazlum Ebdî, Parîs de Wezîrê Karanê Teberî yê Fransa Jean-Noel Barrot reyde kombîyayîşêk kerd.
Hemsereka Dayîreyê Têkîlîyanê Teberî ya Rayberîya Xosere Îlham Ehmed û Fermandarê Pêroyî yê HSD’yî Mazlum Ebdî, seba ke hîna munaqeşeyanê dîplomatîk, aborî û sîyasî bikerê, şîyî Ewropa. Îlham Ehmed û Mazlum Ebdî çarewaya nê xebatan de Wezîrê Karanê Teberî yê Fransa Jean-Noel Barrot reyde ameyî têhet.
Ame zanayene ke do mîyanê nê kombîyayîşan de meseleyê averşîyayîşanê entegrasyonê mabêbê Hukmatê Demkî yê Sûrîye reyde, babetê sîyasî û dîplomasî bêrê qiseykerdene û hedîseyê peyênî yê ke herême de qewimîyenî bêrê erjnayene.
Xebatî do dewam bîkerî
Yeno pawitene ke Îlham Ehmed û Mazlum Ebdî do çarçewaya nê kombîyayîşanê dîplomatîk de, rayedaranê Holanda û Belçîka reyde zî pêvînayîşan bikerê.
