Rahbar Mahmoudzadeh hetê hêzî yê îstîhbaratî yê Îranî ra ame destbendkerdiş û cayo nimite ameyo berdiş. Malbat û embazê ci raya pêroyî rê vengdayişê hîsgerîye dayê.
Peynîya zilm û zorê Devleta Îranî nêna. Roje çinîya ke roşnvîr, siyasetmedar, talebe, cinî û xortanê kurdan darde nêkero, hepis nêkero, nêkişo. Na defa zî Endamê Zanistîye yê Zanîngehê Ashnoye û Doktorê Felsefe Rahbar Mahmoudzadeh, Îran de hetê hêzê îstîhbaratî ra ame destbendkerdiş. Dima zî yeno vatêne hêzê îstîhbaratî Rahbar Mahmoudzadeh cayêko nimite berdê û malbatê ci rê zî malûmat nêdayo ke kura de yo.
Rahbar Mahmoudzadeh Zanîngehê Tahran Azadî ra doktorîya felsefe kerdbî, eynî demî rexnegiro namdar o. Mahmoudzadeh xususî edebîyatê kurd ser o xebatê avzel kerdo. Malbat û embazê ci vendayişê hîsgerîye raya pêroyî rê kerdê.
