Repbêj Serhedo yo ke seba Mitîngê Azadîye vejîyo serê sehneyî amebî Amed no danê şanî ame destbendkerdene.
Repbêj Serhedo dima waxtêko derg ra şaristanê Hannoverî yê Almanya ra ewro bi teyara ame Amed. Serhedo dima teyara ra ame war û seba wer werdene şî yew loqanteyêka şariştanî. Waxto ke Serhado loqanteye ra zê saete 16:20 vejîya teber polîsan destbend kerd û berd Midûriyeta Polîsan ê Amedî.
Ame zanitene ke Serhedo dima karûbarê îfadeyî sewqê edlîyeyê bêro kerdene.
