Ekîbê Şaredarîya Amedî ya Şaristanê Girdî, qezayanê ke varayîşê vewre tesîrin o, dewan de vera vewre têkoşenê.
Varayîşê vewre ke Amed de pawîyayêne şodirî dest pêkerd. Qezayê merkezî Sur, Yenîşehîr, Baglar û Kayapinar şodir de sipî bîyî, la varayîşê vewre hîna zêde qezayanê Şankûş, Çêrmûg, Erxenî, Pîran, Hêni, Hezro, Lîcê, Pasûr, Farqîn, Çinar, Gêl û Karaz de tesîrin bî.
Serekîya Daîreya Viraştiş û Koordînasyonê Rayîr û Binawanîyan, seba ke şar şert û mercanê hewayî yê zehmetan de resî de problem nêanco, merkezê bajar û rayîranê dewan de 6 şantîyeyan de, 100 xebatkar û 62 ekîb û hacetan reyde amadekarîyê xo qedênayî û 7/24 saetî vera vewre û cemedî têkoşena.
Serekîya Daîreya Viraştiş û Koordînasyonê Rayîr û Binawanîyan ke rayîranê dewanê Şankûş, Çêrmûg, Erxenî, Pîran, Hêni, Hezro, Lîcê, Pasûr, Farqîn, Çinar, Gêl û Karaz de xebatanê xo dewam kena, şarî rê îqaz kerd ke bê lastîkê zimistanî nêkewê trafîk û seba ke tu problem nêvejîyo wesayîtê resê pêroyî ra îstîfade bikerê.
Goreyê melumatanê Mudirîya 15. ya Meteorolojî, bajar de heta meşte do hewa zaf hewrin bo û vewre û hem şilope do bivaro.
