Cizîr de 15 kesî sereştişê keyeyan de ameyê destbendkerdene. Sebebê destbendî nêame zanayene.
Qezaya Cizîrî ya Şirnexî de nê serê sibayî sereştişê keyeyan de 15 kesî ameyê destbendkerdene. Kuçeya Banê Yafes cinîya bi nameyê Zehra Aslan ke pitika aye ya 9 aşma est a, kuçeya Nûrî zî welatîyo bi nameyê Yusuf Alkan sereştişê keyeyanê xo de ameyê destbendkerdene. Ama zaneyene ke kuçeyê Nûrî de xeylê welatîyî ameyê destbendkerdene. Sebebê destbendkerdişî û nameyê kesanê bînan nêame zanayene. Welatîyê ke ameyê destbendkerdene berdê Midurîya Polîsan ya Cizîrî.
