Konseyê Şaristanî yê Florensa yê Îtalya hemwelatîya rûmetî da aktîvîsta heqê merdiman Pexşan Ezîzî.
Kampanyaya Azadîye seba Pexşan Ezîzî dîyar kerd ke heta nika 413 hezar û 500 kesan seba betalkerdişê cezaya dardekerdişî ya Pexşan Ezîzî serekê dadgerîya Îranî rê mektube erşawito. Ey ra dima Konseyê Şaristanî yê Florensa yê Îtalya seba aktîvîsta heqê merdiman Pexşan Ezîzî heqê hemwelatîbîyayîşê rûmetî da. Konseyê Şaristanî yê Florensa yê Îtalya bi vengêk heqê rûmetî yê hemwelatîbîyayîşî qebul kerd.
Avûkatê Pexşan Ezîzî Mazîar Tataeî hesabê xo yê medyaya sanale ser o mesajêk pare kerd û ard ziwan ke Konseyê Şaristanî yê Florensa yê Îtalya bi vengêko hempar qerarê hemwelatîbîyayîşê rûmetî dayo Pexşan Ezîzî. Avukat Mazaî ard ziwan ke no qerar dîyar keno ke Pexşan Ezîzî aktîvîsta heqê merdiman, gedeyan û welatîyanê Rojhelatê Mîyanên a û bi cezaya dardekerdişê aye heqê înan yenê binpaykerdene. Avûkat Mazaî da zanayene ke bi nê qerarê ameyo dîyarkerdene ke Rejîmê Îranî bi hewayêko neheq cezaya dardekerdişê aye rê ameya birnayene û wina vat: “Pexşan Ezîzî bi serran o seba aştî û heqanê merdiman têkoşîn dana. Ewro bi nê têkoşînê xo bîya sembolê xoverdayîş û têkoşînî. Konseyê Florensa bi nê qerarê mojneno ke piştî danê aye û aye reyde mişewrî de yo.”
