Mudirîya Kultur û Karê Komelî ya Şaredarîya Peyasî bi wesîleya 21ê Sibate Roja Ziwanê Dayîke ya Dinya Atolyeya Hunerî de ‘Bernameyê Kultur û Ziwanî’ organîze kerd.
Bi wesîleya 21ê Sibate Roja Ziwanê Dayîke ya Dinya, Mudirîya Kultur û Karê Komelî ya Şaredarîya Peyasî dîyar kerdbi ke do bi xeylê çalakîyanê cîya-cîyayan pîroz bikerê. Nê çalakîyan ra yew Atolyeya Hunerî de çalakîya bi nameyê “Bernameyê Kultur û Ziwanî” organîze kerd. Bernameyo ke ame organîzekerdiş, wendekarê Atolyeya Hunerî, keyeyê wendekaran û xeylê hemwelatî beşdar bîyî. Bername bi qiseykerdişê destpêkî yê Temsîlkarê Hemşaredarî Yilmaz Guneş dest pêkerd û wina vat: “Yew amancê bernameyî o yo ke pawitişê mîrasê ziwan û kulturî de zêdekerdiş û xurtkerdişê xebatanê xo yo. Nê semedî ra heta ke no ziwan bibo ziwanê perwerdeyî ma xebatanê xo tena rojêkî de nêverdenê, ma do her roje, her wareyî bikerê rojê pîrozbayîya ziwanî.
Badê qiseykerdişî bername bi muhtewayêko zengîn ê kulturî, sey; konser, tîyatro, govende û musabaqayê ziwanî, pêşkêşê beşdaran ame kerdiş.
