Bi munasebetê 21ê Sibate Roja Ziwanê Dayîke ya Dinya xeylê sazî û dezgeyî derheqê na roje de beyanatan danê û xo seba çalakîyan amade kenê. Bi pêşengîya MED-DER, Enstîtuya Kurdî ya Amedî û DBP’yî do Amed de meş bêro kerdene.
Bi munasebetê 21ê Sibate Roja Ziwanê Dayîke ya Dinya hetî sazî û dezgeyan ra çalakîyê cîya-cîyayî yenê kerdene. Meşêko ke do Amed de bêro kerdene nê çalakîyan ra yew o.
Bi pêşengîya Komela Cigêrayîşanê Ziwan û Kulturan ya Mezopotamyayî (MED-DER), Enstîtîtuya Kurdî ya Amedî û Partîya Herêmanê Demokratîkî (DBP) do 22ê sibate (siba) roja şemî saet 13:00î de Amed de meşêk bêro kerdene. No meş bi sloganê “Statuya Kurdî – Perwerdeya bi Kurdî / Statuya Kurdkî – Bi Kurdkî Perwerdeyî” bêro kerdene.
Ame zanayene ke meş do Petrolê Oryilî ra dest pêbiko heta Peykerê Heqanê Mirovan ê Parqê Koşuyoluyî dewam bikero. Dimayê meşî do beyanat bêro dayene.
