Mehkemeya Cezaya Giran a 2. ya Qersî de cezaya 6 serr û 3 aşmî dîyaye Hemşaredarê Qaxizmanî Mehmet Alkanî. Qerarê ra pey Walîtî dekewtişê şaristanî qedexe kerd. Ame zanayene ke do qeyûm tayînê şaredarî bikerê.
Mehkemeya Cezaya Giran a 2. ya Qersî derheqê Hemşaredarê DEM Partî yê Qaxizmanî Mehmet Alkan de bi îdiaya “endamê rêxistene” ameyêne muhakemekerdene, qerar da. Alkano ke qezaya Qaxizamanî de bi riyê vewre zafe ra ke rayîrî ameyê girewtene tewrê roniştişî nêbi. Heyetê mehkema serepirodayîşê mazeretê Alkanî yê mehkemayî red kerd û 6 serr û 3 aşmî ceza daye Alkanî. Qerarî ra pey serê sibayî Walîtîya Qersî dekewtişê şaristanî û seba 10 rojan heme çalakîyî qedexe kerdê. Naye ra pey dekewtişê endamanê Partîya Têduştî û Demokrasîyî ya Şaran (DEM Partî) ke mîyanê înan de hemserekê Qersî zî est bîyê, ame astengkerdene.
Nê qerarî ra pey hemşaredarê Qaxizmanî zî verba qerarê mehkema reaksîyon nîşan da û pankartê “Em bi hilbijartinê hatine, bi qeyûman naçin / Ma bi weçinitişî ameyê, bi qeyûman nêşonê” şaredarî de aliqna.
