Endamê NLSR’î Kurdyar Direhî dîyar kerd ke peynîya seserra Pêameyişê Lozanî, Rojhilato Mîyanên newe ra yeno bedilnayene û va: “Rojhilato Mîyanen o newe de rolê kurdan zî sereke yo. Wa ma yewîya xo awan bikê û mohre xo na seserre ra pirodê.”
Hêrişê Tirkîya û komê paramîlîter ê giredayî ci Awbendê Tişrînî ra verdewam kenê û şarê Rojawanî zî verba nê hêrişan bi hêzê xo, xo pawenê. Babete ser o Endamê Merkezê Cigêrayîşî yê Stratejîk ê Rojawanî (NLSR) Kurdyar Direhî va ke Tirkîya û komê paramîlîter ê girêdayî ci nê biserkewtê û wina va: “Peynîya rijyayîşê rejîmê BAAS’î Tirkîya û çeteyê girêdayê ci bi armancê çinkerdişê destkewteyê Rojawanî dest bi hêrişan kerd. No dem bi hetkarîya Amerîkaye, mabenê HSD û Tirkîya de hempêameyîşêk ame viraştene la armancê Tirkîya nê adirbest bî û dima zî hêrişê Awbendê Tişrînî kerd. Armancê înan dorpêçkerdişê Kobanê bî, Tirkîya wazena Surîye de mabenê kurd û ereban de têmîyanêk biveja û DAIŞî zî newe ra ganî bika. Tirkîya serkewt nêbî do serkewt nêba zî.”
Heme merdimeyî pawiyeno
Kurdyar Direhî ard ziwan ke hêrişê Tirkîya nê tena seba herême seba heme dinya xetereyan vejeno û wina domna: “Hêrişê Tirkîya nê tena Rojawanî, bi pêroyî Kurdistanî hêrişê înan verdewam kenê. Hêrişê Tirkîya verba birayîya şaran û demokrasî yo. HSDî nê tena herraya Rojawan heme merdimeyî pawiyeno. Terorê verba merdimeyî çin kerd û pawitişê demokrasî kerd. Erkêko exlaqî û komelî ser heme dewletê dinya no yo ke hetkarîya Rojawanî bikerê. Ma dinya pawit, lazimo ke ê zî hetkarîya HSD’î bikerê. Wa şarê kurd zî her çar hetê Kurdistanî de yewîyeya xo awa bikê û hetkarîya hêzê xo bikê. Têgêrayîşê sîyasî yê kurd zî wa kongreyêka mîyanêneteweyî ke waştişê Birêz Ocalan û şehîdan a bi lezî pê bîyarê ke ma binê desthiladarîya înan a dagirkeran bivejnê.”
