Bizavkara Îklîmî ya namdare Thunber vat ke Tirkîya wa, qanûnê bîngeyîne de bi awayêka şenber ca bido heqê şarê Kurd û kêmneteweyê bîn.
Bizavkara Îklîmî ya namdare Greta Thunberg, gêrayişê xo yê Tirkîyaye de ser Kelehê Wanî yê tarîxî de, wêneyêk bar kerd û bal ant ser binpêkerdişê heqê Kurdan û talankerdişê xozaye yê. No barkerdişê a bî semedê vejyayişê nîqaşan û zaf nîjadperestê Tirk waştê ke a Tirkîyaye ra bêro sînorkerdiş.
Medyaya nêzî hukimate zî, na bi propogandaya Partîya Karkerê Kurdistanî (PKK) sucdar kerdê. Thunberg, ser hesabê xo yê Înstagramî de sey cayê ke Kurdistan dîyar kerd û wêneyê xo yê ser Kelehê Wanî ke wêneye de Behra Wanî zî dîyar bena, bar kerd. A vat: “Nê demê peynî de mi Kurdistanê Bakûrî de gêrayişêk pê ard û mi hûmarêka Kurd nas kerdê, ê bo mi hûmarêka zaf serpîhatîyê xo yê zilm û qirkerdişê Dewleta Tirk bi awayêka sîstematîkî ser înan pê ana, ardê ziwan.”
A vana ke hûmarêka kelmelî sey parçeyêk hêrişê verba şarê Kurd, birnayişê daristanan, qurbankerdişê erdnîgarîya bo kompanîyê madenan û veşnayişê xozaye yo û vat ke: “Mêrdimê ê cayê cuya rojane de raştî çinkerdişê kultir û nasname, şîdetê dewlete, hepiskerdişê sîyasetmedaran, koçkerdişê dara zorî û qirkerdişê ekolojîkî yenê. Ê zî çend fînakê ke heqê înan yê tewr rewa yê tayînkerdiş qeder û azadîya înan yeno redkerdiş.”
Thunberg seba çareserîya problemî ya Kurd zî ercnayişê xo bar kerd û vat ke seba awankerdişê pîrdê hemgirewtişê yê raştî, wa Tirkîyaye de warê Kurdan rayberîya xoserî bêrê awankerdiş, heqê Kurdan esto ke xo bi xo îdare bikerê, kultirê xo û komelê xo.
Her wina vat: “Tirkîya wa, qanûnê bîngeyîne de bi awayêka şenber ca bido heqê şarê Kurd û kêmneteweyê bîn. Hukimet, seba bêvengkerdişê muxalefetê sîyasî sey hîncetêkî ‘terorîzmî’ bi kar anena. Bi des hezaran hepsê sîyasî yê aktif bi darîznayişê nê adilane zîndanan de yenê girewtiş. Hetê rêxistinê mîyanneteweyî yê sey Dadgeha Heqê Merdiman a Ewropayî, Yekîtîya Ewropayî û Rêxistînê Efûyî ra ameyê şermezarkerdiş û vengê serbestveradayişê nê kesan ameyo kerdiş.”
