Aktîvîteyan ke hetê Şaredarîya Amedî ya Şaristanê Girdî ra seba 8ê Adare Roja Cinîyan a Dinya ameyê organîzekerdene, dest pêkerd.
Serekîya Daîreya Xizmetê Cinî û Keyeyî, seba xurtkerdişê piştîdayîşê cinîyan û afirnayîşê hişmendîye, bi wesîleyê 8ê Adare Roja Cinîyan a Dinya aktîvîteyanê cîya-cîyayan organîze kena.
Na çarçewa de Merkezê Ciwîyayîşê Cinîyan de ke Kuçeyê Ahmed Arîfî ya Taxa Sanayî ya girêdayeyê qezaya Yenîşehîrî de yo, Şahîya 8ê Adare û Têhetameyîşê Cinîyan ame organîzekerdene.
Aktîvîte de cinîyan baxçeyê merkezî de erbaneyî reyde govende girewte û demêko weş vîyarna. Dima wendekar û personelanê wezîfedaran skeçêk kay kerd. Skeço ke seba afirnayîşê hişmendîye ame kaykerdene, meymananê ke temaşe kerd, weş bi înan şî.
