Şaredarîya Amedî ya Şaristanê Girdî vernîya Roşanê Qurbanî de paştî da keyeyanê kêm îmkanan; 36 mîlyon û 855 hezar lîra da 12 hezar û 285 keyeyan û 1187 keyeyan rê kolîyê zexîreyê vila kerde.
Şaredarîya Amedî ya Şaredarîya Girdî çarçewaya xebatanê xo yê şaredarîya komelkî de vernîya Roşanê Qurbanî de paştîdayîşê xo yê keyeyanê kêm îmkanan rê zêde kerd. Serekîya Daîreya Xizmetê Komelkî seba ke welatijî îhtîyacanê xo yê bingeyînan temîn bikerê û roşanî bi hawayêko asan derbas bikerê, paştîdayîşê xo zêde kerd.
Vernîya roşanî de hetkarîya neqdî resa 12 hezar û 285 keyeyan
Çarçewaya xebatanê Daîreya Xizmetê Komelkî de, vernîya Roşanê Qurbanî de 3 hezar lira erşawite hesabê 12 hezar û 285 keyeyanê ke qertê înan ê paştîdayîşî (SODES) esto ser. Şaredarîye serre ra 4 rey (3 aşman ra rayêk) hawayêko biserûber hetkarîya ekonomîk kena û no demo peyîn de pêroyî 36 mîlyon û 855 hezar lîra vila kerd.
1187 keyeyan rê zî pakêtê zexîreyî ameyê vilakerdene
Heto bîn ra zî, ekîbanê şaredarîye badê cigêrayîşan komelkî îxtîyacîyê1187 keyeyan ame tesbîtkerdene û hetkarîya zexîreyê ame kerdene. Ame dîyarkerdene ke bi nê xebatanê vernîya roşanî, amancê ey xurtkerdena paştîdayîşê komelkî yo
Xebatê paştîdayîşî dewam kenê
Şaredarîya Amedî ya Şaristanê Girdî eşkera kerd ke çarçewaya polîtîkayanê xizmetê komelkî de, xebatê înan ê paştîdayîşî seba welatijanê hewcedaran do mîyanê serre de zî bêmabên dewam bikerê.
