Îdareyê Xoserî ard ziwan ke Kongreya Dîyalogê Neteweyî ya Sûrîye şarî temsîl nêkena û vat, “Ma parçeyêkê Sûrîye yê û nêyenê temsîlkerdene. Ma do parçeyê caardişê netîceyanê kongre zî nêbî.”
Îdareyê Xoser yê Rojawanî derheqê “Kongreya Dîyalogê Neteweyî ya Sûrîye” ya de ke Şam de ameye kerdene, eşkerayîye daye. Eşkerayîya ra qismêk wina yo.
“Şarê Sûrîye rijyayîşê rejîmê Baasî ra dima tim wazenê wa Sûrîyeya yewbîyaye bêra awankerdene û kongreya neteweyî zî hedefê ci yo. La îdareyo demkî yê Sûrîye waştişê şarî nêard ca. Ganî semedê nê dîyalogî verî komîteyêka yewbîyaye biameyêne ronayene û dima ra kesê ke tewrê kongre benê, nînan ser o munaqeşe biameyêne kerdene. La kongre sey waştişê şarî nêameye kerdene. Eşkerayîyî zî ziwanê dîyalogî ra dûrî bîye.
Na kongre şarê Sûrîye temsîl nêkena. Ma parçeyêkê Sûrîye yê û nêyenê temsîlkerdene, ma muhtewaya na kongre ra keyfweş nîyê û ma do parçeyêkê caardişê netîceyanê ci nêbê. Ma reyna waştişê xo yê organîzekerdişê kongreyêka raşte ya ke heme şaranê Sûrîye temsîl kena, anê ziwan. Ma soz danê ke ma do layiqê bedelanê xo bê. Semedê caardişê hêvî û waştişanê şarê xo û averberdişê şorişê xo cehdkerdişanê xo bidomnê.”
