Seba vengdayîşo tarîxî yê Rayberê PKK’yî Abdullah Ocalanî şarê Botanî ver bi Amedî rayîr kewt. Vengdayîşo tarixî do bi ekranê LED’î gandar bêro dayene. Welatijan mesajê xo de dîyar kerd ke zaf bi kelecan ê.
Heyetê DEM Partî yê Îmraliyî do pêvînayîşê bi Rayberê PKK’yî Abdullah Ocalanî ra pey vengdayîşo tarîxî yê Abdullah Ocalan pare biko. Beyanat do saet: 17.00î de Otelê Elît Worldî yê Stenbolî de bêro dayene. Seba beyanatî zaf şaristanan de amadekarîyî yenê kerdene ke nê şaristanan ra yew zî Amed o.
Seba beyanat Warê Şêx Seîdî de ekranê LED’î yê girdî ameyî ronayene û vengdayîşo tarîxî yê Abdullah Ocalanî do gandar bêro temaşekerdene. Na çarçewa de zaf welatijî qezaya Cizîrî ya Şirnexî ra ver bi Amedî rayîr kewtê.
Ma bi kelecanêko gird paweyê beyanatî yê
Dayîka Aştîye Hatîce Durmuş dîyar kerd ke çimê înan mesajê Abdullah Ocalanî de yo û wina va: “Ma seba mesajê Birêz Abdullah Ocalanî şonê Amed. Werrekna o zî mîyanê ma de bibîyêne. Çimê ma rayîrê Birêz Abdullah Ocalanî de yê. Ma zaf bi kelacan ê, ma hêvîdar ê ke mesajê weş bêrê dayene.”
Mîyanê kesanê ke ver bi Amedî kewtê rayîrî de merdimê kesan ke demê qedexeyanê vejîyayîşê kuçeyan a Cizîrî de cuya xo dest dayê, merdimê hepsîyan û zaf kesê bînî est ê.
