Wekîla verên ya HDP’î Huda Kaya bal ant ser vengdayîşê Rayberê PKK’î Abdullah Ocalan û va: “Wa seba cuyayêka bi rûmet rayîrê ver bi netîceyêk de gamê verçiman bêrê eştiş.”
Wekîla verên ya HDP’î Huda Kaya pêvajoya peynî ser qise kerd û va ke avzelîya vengdayîşê Rayberê PKK’î Abdullah Ocalan ê seba problemê kurd bi awayêko demokratîk bêro çareserkerdene, fesîhkerdişê PKK’î û ronayîşê çekan û wina va: “No veng seba welatê ma, şarê ma, herême û heme şarê bindest wayîrê bandorêko ke do bi serdeman bidomno. Wa êdî demokratîkbîyayîşî de, çarçiweya seyyewbînan û azadîwaştişî de, seba şarê ma yê bi rûmet gamêka verçiman bêrê eştiş.”
Seba aştîye gam bêrê eştiş
Huda Kaya da zanayîş ke wa merdim bi kesê şer û pêkewtişan de merdimê xo vînî kerde rê nefsûqiyasî bikero û wina domna: “Serî de partîyê sereke yê muxalefetî, rêxistinê sivîl, heme sazî, heme dormeya cîya wa şahîdîya demê tarîxî dest xo ra veranêdê. Wa rayêko bîn adir bi zerrîya dayîkê ma nêkewo. Wa seba verpirsîyarîya tarîxî, seba aştîye gam bêrê eştiş û çi beno bila bibo wa her tim behsê aştîye bêro kerdine. Xiyanetê aştîye çin o, xirabîya aştîye çin o.”
Huda Kaya wina qedîna: “Ma mecbûr ê, cuyayêka aştîyane bierzê. Her ke ma gam bierzê do no vengdayîş qewetir bibo û zafêr bandorê xo nîşan bido.”
