Wargehê Multecîyan ê Mexmûrî bi serkêşîya Meclisê Îştarî de bi sloganê “Bi Ruhê Şorişê ‘Jin Jiyan Azadî’ Ma 8ê Adare Pîroz Kenê, Sozê Berzkerdişê Têkoşînî Danê” startê çalakîya 8ê Adare ame dayîş.
Cinîyê Wargehê Multecîyan ê Şehîd Rustem Cûdî (Mexmûr) sey her serre emser zî bi coşêk pîl paweyê pîrozkerdişê 8ê Adare yê. Binê serkêşîya Meclisê Îştarî de pêro cinîyê wargehî semedê pîrozkerdişê 8ê Adare xebatan kenê.
Vizêrî zî xebatkarê cinî yê xebatê Meclisê Îştarî de ca gênê, bi sloganê, “Bi Ruhê Şorişê ‘Jin Jiyan Azadî’ Ma 8ê Adare Pîroz Kenê, Sozê Berzkerdişê Têkoşînî Danê” startê çalakîya 8ê Adare dayî.
Çalakîyê ke bêrê kerdiş wina yê:
*2yê aşme de mîyanê wargehê de do wargeh bêro xemilnayîş.
*3yê aşme de cinîyanê ereban dir do pêvînayîş û muhîmîyê 8ê Adare ser o munaqeşeyî bêrê kerdiş.
*4ê aşme de semedê cinîyan sînevîzyon û semîner bêro dayene.
*5ê aşme de semîner semedê wendekaran û şayî semedê mamosteyan.
*6ê aşme de musabaqaya cinîyan yê xebatê dest û vilakerdişê vilawekê pîrozbayî.
*7ê aşme de rayîrşîyayîşê girseyî.
*8ê de şayîya pêroyî.
Badê eşkerayî Endamê Têgêrayîşê Cinîyanê Ciwanan bi hacetê mûzîkî deyîran vatî.
