Komunê Dokumenteran ê Gulîstan Tara ame awankerdene. Dîya zanayene ke komun do nêzdî de rêzedokumenterê bi 90 beşan yê bi nameyê ‘Vejîna Kurd’ biweşano ke qalê tarîxê PKK’yî keno.
Komunê Dokumenteran eşkerayîya awankerdişê xo hesabanê xo yê medyaya sanale de pare kerd ke ê do bi belgeyan, raştîye û malûmatan dokumenteran amade bikerê û pêşkêşê şarî bikerê. Komunî da zanayene ke dokumenterê înan o verên ‘Vejîna Kurd’ bi tirkî û kurdkî amade bîyo û nêzdî de do serê ekranan de bibo.
Komun beyanatê xo de amancê ronayîşî xo de nê çîyî vatî:
“Mîyanê seremonîya Tevgerê Azadîye yê Kurdî de Mazlûm Doganan ra heta Gurbetelîyan, Apê Mûsayan ra heta Xelîl Dagan, Naziman ra, Cîhanan ra, Kemalan ra, Egîdan ra heta Gulistanan gêrayîşê heqîqetî dewam keno û do dewam bikero…”
Seba seramonîya ke qala aye yena kerdene wina ame vatene: “Ma serdemê resnayîşî de yê. Goreyê nê lazim o ke no çepero newe yê xoverdayîşî seba belgekerdişê heqîqetî, seba çîyê ke qewimîyayî ameyoxî rê bi hewayêko mende bimanê û seba tarîxêko rast bêro nuştene, lazim o.”
Beyanatî de Komunê Dokumenteran a Gulistan Tara ser o malûmatî ameyê dayene û wina vajîya: “Komun xo çar beşanê Kurdîstanî de û welatî ra teber rêxistin kerdo û dest pêkerdo ke tecrube û îmtîhanê belgekerdişî bi qandê nêmseserre yê mîyanê sermonîya resnayîşê azade de, arşîvo zengîn û kullîyatê teorîk kom keno û ano pêser. Bi komunkerdişêko newe xebatê belgekerdişî yê Kurdîstanî yenê kerdene. Komunê ma bi na xebata xo danê verê barê belgekerdişî.”
Rastnuştişê tarixî
Komuna Dokumenteran a Gulistan Tara dewamê beyanatî de wina vat:
“Bi na xebate û bi nê teşeyî, bi mojnayîşê heqîqetî, belge û zanayîşê malûmatî; bi hêz û piştîwanîya dîmen do komelan rê resnayîş bêro kerdene. Nê hemeyî do pratîkî de xo bimojnê; do ravurîyê nirxan, do çîyê ke qewimîyayî vîrê komelan de bêrê neqişkeredene û bi nê do hetahetayî bimanê. Eynî wextî de do nê belgeyî seba rastnuştişî tarixî mirdîya xo bikar bêrê.
Seba ke newe ra komelbîyayîşêko azad, demokratîk, ekolojîk û azadîwaştişê cinî bêro ca û na çarçewa de seba heme heqîqetan ke ameyê dewisnayene, bêrê eşkerakerdene komunê ma xo berpirsîyar vîneno û bêşert û merc nê karî keno.”
Komunê Dokumenteran ê Gulîstan Tara nê hesabanê medyaya sanale ra eşkeno bêro teqîbkerdene:
Gmail: taradocumentar@gmail.com
YouTube: @KominaDokumanteraTara
İnstagram: kominadokumanteratara
X: @TaraDokumanter
