Şaristananê Qamişlo, Tirbespî, Amûdê û Til Hemîsî bi seyan kesî seba ke tewrê nobeta xoverdayîşî ya Awbendê Tişrînî bibê, kewtê rayîr.
Hêrişê dewleta tirke û grûbanê paramîlîter ke girêdayeyê aye yê vera Vakûr û Rojhelatê Sûrîye dewam kenê. 8ê kanûne 2024î ra heta nika vera Awbendê Tişrînî û derûdorê ey hem hewa ra hem zî bejî ra hêrişî yenê kerdene. Şarê Vakûr û Rojhelatê Sûrîye ke hemverê hêrişan vejîyeno, 8ê çele ra heta nika awbendî de nobeta xoverdayîşî domnenê.
Her reye grûbê cîyayî çalakîya nobete dewr gînê. Ewro zî şaristananê Qamişlo, Tirbespî, Amûdê û Til Hemîsî ra bi seyan kesî seba ke tewrê nobeta xoverdayîşî ya Awbendê Tişrînî bibê, kewtê rayîr. 7 serrîyan ra heta 70 serrîyan bi seyan kesî konwoyî de ca girewt û ver bi awbendî kewtê rayîr.
