Bi ameyîşê aşma Ramazanî, Amed de her ser kuçeyêk de çîgkoftecîyêk abî la belê rîyê zêdeyayîşê enflasyonî ser o rotişe çîgkofteyî kêm bî û esnaf zî na rewşe ra eciz ê.
Çîgkofte bi salçaya îsotî, belxur û îsotî yeno elawitinî, Amed de bi ameyişê aşma Ramazanî sofrayê her keyeyî de çîgkofte kêm nêbeno. Verê Ramazanî tena tay cayan de çîgkofte ameynî rotiş la bi ameyişê Ramazanî ser kuçeyêk de çîgkoftecîyêk abî.
Seyî ra 25 zêdîya
Par porsîyonê çîgkofteyî 80 TL bî la emserre tewro kêm porsîyonê ci 100 TL ra yeno rotiş. Sey sektorê bîn rotişê çîgkofteyî zî zêdîyayîşê enflasyonî ser kewt. Hetê çîgkofteyî sey garnîtor firingî, marul û sewbî sebze yenê dayîş, vayebîyayîşê nê sebzeyan ser o fîyatê çîgkofteyî zêdîyeyo.
Amedij êdî nêeşkenî çîgkofte biwerî
Goreyê xebera Amîdayî, babete ser o westayê çîgkofteyî Nevzat Usta vato ke ê çiqas enflasyon zêde bibo zî fîyatê xo nê zêdînenî û wina va: “Nika goreyê enflasyonî, ma porsîyonê çîgkofteyî 200 ya zî 250 TL ra birotî la ma 100 TL ra danê porsîyonê ci. Xususî fîyatê garnîtorî zaf zêdîyayê, çi heyfo ke hêzê girewtişî yê şarî zî kewt.”
