Sazgehê Ziwanê Kurdkî ke piştî danê mesajê Rayberê Şarê Kurdî Abdullah Ocalanî wina va: “Ma zî sey heme hêz û dormeyanê kurdan ê azadîwaz û aştîwazan vanê ke vengdayîşê Rêzdar Ocalanî eynî wext de vengdayîşê ma yo, ma heta peynî ey reyde yê û seba ke mesajê ey biresê peynî ma do heta peynî têkoşîn bikê û bixebitê.”
Sazgehanê Ziwanê Kurdkî reyde Sazgehê demokratîkî seba piştîdayîş û wayîrvejîyayîşê “Vengdayîşê Aştî û Şarê Demokratîk” yê Rayberê Şarê Kurd Abdullah Ocalanî, awanîya MED-DER ya qezaya Peyasî ya Amed de çapemenî rê beyanat da. Endam û rayberê Sazgehanê Ziwanê Kurdkî û Sazgehanê demokratîkan beşdarê beyanatî bîy. Beyanatî de pankarta bi kirmanckî û kurmancî “Statuyê Kurdkî Perwerdeyê Bi Kurdkî” ameye akerdene.
Beyanatê Sazgehê Ziwanê Kurdkî
“Çapemenî û Raya Pêroyî rê
27ê sibata 2025î ra Rêzdar Abdullah OCALAN bi nameyê “Vengdayîşê Aştî û Şaro Demokratîk” gamêka tarîxî ya demê newî eşte. Na gama tarîxî seba têkoşînê azadîya şarê kurdî daraxêka newîye ya tarîxî ya. Amancê na game seba bingeyê azadîye, bi hawayêko mende viraştişê aştîyêka birumete û awankerdişê şarê demokratikî yo.
Bêguman aştîyêka birumete û şarêko demokratîk bi azadîya estbîyayîş, ziwan, nasname, bawerî, kultur, cinî û erjê netewa kurd û heme neteweyî, pê bawerîyanê bînan ê cîyayan mumkin o. Seke Rêzdar OCALAN vengdayîşê xo de vano: “Rêzgirewtişê nasnameyan, azadîya fikrî, rêxistinbîyayîşê demokratîk, awankerdişê komelkî, ekonomî û sîyasî yê heme endaman tena bi estbîyayîşê komelkî û qada sîyasî ya demokratîke mumkin o.” No seba ma kurdan zî wina yo. Mîyanê na seserre de sebebê bingeyin yê têkoşînê şarê kurdî bî. Her tewir hovîtî ke ziwanê kurdkî ser o yê, ganî orte ra wedarîyê û her qada ciwîyayîşî de bi ziwanê xo û heme erjanê xo yê neteweyî û komelkî azad biciwîyo.
Ganî baş bêro zanayene ke nêzdîbîyayîşê ziwanê kurdkî eynî wext de nêzdîbîyayîşê aştî, azadî û demokrasî nîşan dano û nêzdîbîyayîşê vengdayîş û hewldayîşanê rêzdar OCALANî yê aştî û şarê demokratikî nîşan dano. Bêguman nêzdîbayayîşê Rêzdar OCALANî û vengdayîşê ey ê aştî û şarê demokratîkî zî nêzdîbîyayîşê ziwanê kurdkî nîşan dano. Seba ney ma zî sey heme hêz û derûdorê kurdan ê azadîwaz û aştîwazan, vanê ke vegndayîşê Rêzdar OCALANî eynî wext de vengdayîşê ma yo, ma heta peynî ey reyde yê û seba vatişanê ey ma do heta peynî têkoşîn bikê û bixebitê.
Wa Biciwîyo Ziwanê Kurdkî!
Wa Biciwîyo Ziwano Azad!
Wa Biciwîyo Ciwîyayîşo Azad!
Wa Biciwîyo Aştîyêka Birumete û Şaro Demokratîk!”
Peynîya beyanatî de dirûşmeya “Bê ziwan ciwîyayîş nêbeno” ameye berzkerdene.
Sazgehê Ziwanê Kurdkî ke piştî danê beyanatî wina yê:
Enstîtuya Kurdî ya Amedê – Amed
Enstîtuya Kurdî ya Stenbolê – Stenbol
Komeleya Lêkolînên Çand û Ziman a Avestayê – Îzmîr
Komeleya Parastin û Pêşvebirina Zimanê Kurdî- KURDÎGEH – Wan
Komeleya Lêkolînên Çand û Ziman a Botan – Sêrt
Komeleya Lêkolînên Çand û Ziman a Feradê – Semsûr
Komeleya Lêkolînên Ziman û Çandê ya Arî-Derê – Êlih
Komeleya Lêkolînên Ziman û Çandên Mezopotamyayê – Amed
Komeleya Navenda Lêkolînên Ziman, Çand û Hunerê ya Arsîsayê – Erdîş
Komeleya Wêjekarên Kurd – Amed
Komeleya Ziman û Çandê ya Birca Belek – Cizîr
Komeleya Ziman, Çand û Hunerê ya ANKA – Enqere
Komeleya Zimanê Kurdî – CUDÎ-DER- Silopîya
Komeleya Ziman û Wêjeyê MEDYA-DER – Tetwan
Kovara Destar – Amed
Komeleya Ziman, Çand û Hunerê ya Konê (KON-KULTUR)
