Sazgehê Ziwanê Kurdkî û Platformê Sazgehanê Demokratîkan seba 15ê Gulane Roşanê Ziwanê Kurdkî do deklerasyonêk eşkera bikerê.
Seke yeno zanayene 15ê gulanê sey roja ziwanê kurdkî yeno pîrozkerdene, emser bi pêşengîya Sazgehê Ziwanê Kurdkî û Platformê Sazgehanê Demokratîkan de do roja 2ê gulane saete 11:00 de Parka Ekîn Ceren yê Amedî de bi deklerasyonêke bêro eşkerakerdene û starte çalakîyan ê seba roşanê ziwanê kurdkî bêro dayene.
Sazgehan dawetnameyê xo de wina vanê: “Ma do bi şîara ‘Statuya Kurdkî û Perwerdeyo bi Kurdkî’ çalakîya deklerasyonê 15ê Gulane Roşanê Ziwanê Kurdkî Virazê.
Ziwanê ma nasnameyê ma yo, wayîrvejîyayîşê ziwanê xo, wayîrvejîyayîşê ameyoxê xo yo.
Roşanê Ziwanê Kurdkî Pîroz Bo!
Heme Şarê Ma Dawetkerde Yo!
