Verfeka Komîteya Têkilîyê Dîplomasî ya Meclîsê Cinîyanê Sûrîye ya Helebî Ayşe Hiso derheqê vengdayîşê aştî û komelê demokratîke ya Rayberê Şarê Kurdî Abdullah Ocalanî dîyar kerd ke no vengdayîş do alozîya Rojhelatê Mîyanên rê zî bibo cewab.
Rayberê Şarê Kurdî Abdullah Ocalanî 27ê Sibate de heyetê Îmraliyî tê Partîya Têduştî û Demokrasî (DEM Partî) dir pêvînayîş kerd û mesajê ‘aştî û komelo demokratîk’ neql kerd. Badê deklerekerdişî mesajî rê her ca ra paştdayîş ame û her ke şino no paştdayîş zêde beno.
Verfeka Komîteya Têkilîyê Dîplomasî ya Meclîsê Cinîyanê Sûrîye ya Helebî Ayşe Hiso derheqê vengdayîşê aştî û komelê demokratîke yê Rayberê Şarê Kurdî Abdullah Ocalanî Jinnewsî rê ercnayîş kerd.
‘Rayberî hemverê gurkerdişê alozîyan bi bend’
Verfeka Komîteya Têkilîyû Dîplomasî ya Meclîsê Cinîyan ê Sûrîye ya Helebî Ayşe Hiso wina vat: “Rayber Abdullah Ocalan wayîrê kede û têkoşînê bêmabêne yo. Wareyê ronayîşê felsefeya xelasîya cinî û awankerdişê paradigmaya demokratikbîyayîşî de xeylêk xo ver da. Hemverê hêzê hegemon û bi taybetî îqtîdarê tirkî ke hende serrî yo rayberî ser o tecrîdêk giran dewam kenê, ancî zî fek têkoşînê xo ra vera nêda. Rayberî bi xoverdayîşê xo yê 26 serran bi mesaj û vengdayîşê xo peynî kerd. Rayberî ke venga aştî û demokratîkî kerd, bî bendavêk.”
Ganî Tirkîya gamanê rast bierzo
Ayşe Hiso qalê rewşa Tirkîya na prosesê neweyî kerd û vat: “Dewleta tirkan ewro alozîyêk pîl ra derbaz bena. Semedê Tirkîya na alozîye ra xelas bibo, ganî bi taybetî Rayberî dir mîyanê diyalogî de bo. Ganî Tirkîya semedê nê gamanê rastan bierzo û berpirsîyarîya xo bi ca bîyaro“
‘Ma azadîya fîzîkî ya Rayberî pê bîyarê’
Ayşe Hiso dewam de wina vat: “Dîyarî û vengdayîşê rayberî semedê ma cayê şanazî ya. Rayberî nê seserre kerd seserra kurdan. Projeya Raybertî de tena çareserîya alozîya kurdan çin a, eynî wextî de ci de çareserîya alozîha Rojhelatê Mîyanên zî est a. Ewro ma sey cinîyê Sûrîye roja ma ya ewro de serê esasê caardişê yewîye mîyanê temamê cinîyanê Sûrîye de ma têkoşîn kenê. Derûdorê rayberî de ma reyke de game peyser antibî, coka yew wezîfeyo tewr sereyîn keweno milê ma ser o yo ke ma azadîya rayberî ya fîzîkî pê bîyarê ke o bi xo nê dîyalogî rayîr ra bero.”
‘Ganî ma têkoşîn bikerê’
Tewr peyîn Ayşe Hiso vatişê xo wina qedêna: “Wexto ke ma biwazê sey cinîyêke azad û demokratîk biciwîyê encax bi serkêşîya rayberî no bi ca bêro. Ma baş a bawerî de yê ke têkoşînê 50 serrî yê partîya azadîye sewbîna vengdayîşê aştî yê rayberî zereyê zindanê Îmraliyî de dayo destpêkerdiş, do bibo serkewtişê dewa û şorişê şaran û mîyan de qetîkerdişê çarekerdişê meseleya şarê kurdî û pêwa girêdayeyê cinîyan ke bîyayîşê înan do rayberî dir şêro sere. No zî hewcedarîyê xo bi têkoşînî est o da ke ma layiqê têkoşînê rayberî bibê.”
