MSD derheqê “Qanûno bingeyî” ke desthilatê demkî yê Şamî pêşkêş kerdo, beyanato nuşteyî da û va ke ê hewldanê dîktatorîye bi tundî red kenê. Hewna Şarê durzî zî verba nê hewldanî beyreqê Sûrîye ardî war û beyraqê xo antî cor.
Meclîsê Sûrîyeya Demokratîke (MSD) derheqê “Qanûno bingeyî” yo ke desthilatê demkî yê Şamî pêşkêş kerdo ser beyanato nuşteyî da.
Beyanat wina yo:
“Ma Meclîsê Sûrîyeya Demokratîke qanûnê bingeyî yê hetê hukmatê demkî ameyo pêşkêşkerdiş, red kenê. Ma beyanatê xo yê 26ê Sibata 2025î de vatbî: ‘Kongreya Dîyalogê Nîştimanî’ hetê temsîlîya pêrabesteyê komelî ya têgerayîşê sîyasî de nê şeffaf bî. MSD rayêko bîn raşt keno ke heme gamê ke ser netîceyê na kongre yenê eştiş, do çareserîya problemê nîştimanî de kêm biminê.
Ma hewldayîşê newe ra dîktatorîye binê perdeya ‘pêvajoya derbasbîyene’ de bi tundî red kenê, ma qatî kenê ke wa qanûnê bingeyî netîceyê pêameyîşê rasteqîn ê nîştimanî bo, nê projeyêk hetêk bêro ferzkerdiş. No ser ma vengdayîşê newe ra sazkerdişê qanûnê bingeyî kenê. Wa destûr vilakerdişê desthilatî bi awayêkî adîlane mîsoger biko, azadîya xebata sîyasî bipawê, heqê heme pêrabesteyê Sûrîyeye nas bikê. Wa pergalêko demokratîk esas bêro girewtene.”
Şarê durzî zî îtîraz kerd û beyraqê Sûrîye ardî war
Fermandarê Operasyonî yê Durzî yê Suveyda Baha Cemal zî babete ser o va ke otorîteya înan ê hem dînî hem zî komelî est a, no ser ê dîktatorî qebul nêkenê û seba pawitişê herêma xo zî hadre yê. Şarê durzî beyraqê Sûrîye ardî war, beyraqê xo antî cor.
