Rayberîya Xosere ya Vakûr û Rojhelatê Sûrîye hemverê qirkerdişê dewa Berxbotan ya Kobanê nêrazîbîyayîş mojna û waşt ke vera hêrişanê Tirkîya tehqîqatêko mîyanneteweyî bêro destpêkerdene.
Rayberîya Xoserîya Demokratîke ya Vakûr û Rojhelatê Sûrîye derheqê qirkerdişê dewa Berxbotan ya Kobanê beyanatêko nuştekî da. Beyanatê şermezarkerdişê qirkerdişî de ame vatene ke Tirkîya sûcê şer yê vera şarê Vakûr û Rojhelatê Sûrîye kerd. Dewamê beyanatî de ame vatene ken Tirkîya bi nê hêrişan heme pêkerdişê mîyanneteweyî ameyê binpaykerdene û wina ame vatene: “Qirkerdişê Berxbotanî qirkerdişêko destpêkî nîyo ke hetê Tirkîya ra vera Vakûr û Rojhelatê Sûrîye yeno kerdene.”
Tehqîqato Mîyanneteweyî
Beyanatî de ame vatene ke hêrişî çimanê komelo mîyanneteweyî û sazîyanê têkîldaran de ameyê kerdene û na bêvengî bîyê sebeb ke Tirkîya hîna zaf sûcanê şerî bikera. Beyanatî de ame waştene ke vera qirkerdişî tehqîqatêko mîyanneteweyî bêro destpêkerdene û netîce dosyayêk teslîmê Mehkemaya Ceza ya Mîyanneteweyî bêro kerdene.
Ame vatene ke tu hêriş do vernîya awankerdişê Sûrîya demokratîk, azad û Sûrîyêka ke merkezî nîya, nêbo asteng.
