Hemserekê Dem Partî kombîyayîşê partîya xo yê hewtaneyî de rojeve erjneno.
Bakirhanî bi pîrozkerdişê Newroze dest bi qiseykerdişê xo kerd. Bakırhanî hêvî kerd ke Newroze “aştî û azadîye” bîyaro, “Rojanê vernîyê ma de zî ma do Wan ra heta Amed, Îzmîr ra heta Îstanbul her ca de bi coş û vindertişêko pîl dewam bikê ke Newroza azadîye pîroz bikê. Çunke na Newroze, vatişê kurdan ê ‘Ma Tîya yê’ yo ek heme dinya rê yeno îlankerdene. BI mîlyonan Kurdan rê, nê prosesî de vengê aştî û komelê demokratîkî ameyo kerdiş, Newrozêka winayên a ke tena seba Tirkîya ney heme dinya rê yeno nîşandayene”
Bakirhanî qiseykerdişê xo wina dewam kerd: “Meşaleyo ke do rayîrê ma roşin bikero, ‘Vengdayîşê Aştî û Komelê Demokratîkî’ yo. Demê vernîyê ma de vengdayîşê komelê demokratîkî sey roşnîya Newroze, sey adirê Newroze do dewam biko ke roşn biko. Mahabad ra heta Kirmanşan, Sileymanîye ra heta Hewlêr, Kobanî ra çar goşeyanê cografyaya Kurdan Vengdayîşê Seserreyî rê piştî yeno dayene. Mîlyonê ke meydanan de yê îfade kenê ke pişta Vengdayîşê Seserreyî de vindenê. vanê Îradeyê ma yo, ma temsîl keno . Coka ma zî xebatanê xo yê demê vernîyê ma de seba ke bimojnê ke ma çiqas piştî danê nê vengdayîşê seserreyî, ma do bi cehd, çalakî û fealîyetanê xo nîşan bidê.”
