Şaredarîya Amedî ya Şaristanê Girdî, çarçewaya 21ê Adare Roja Down Syndromî ya Dinya de seba ke hişyarî bivirazo, Wendegehê Agroekolojî û Îklîmî de çalakî organîze kerd.
Serekîya Daîreya Xizmetê Kesanê Astengdar û Pîran, çarçewaya 21ê Adare Roja Down Syndromî ya Dinya de ke hetê Neteweyê Yewbîyayan ra seba ke hişyarî bivirazo îlan bîya, çalakîyêk organîze kerd.
Wendegehê Agroekolojî û Îklîmî de çalakî ke virazîya, beşdarê aye kesê Down syndrom û astengê zehnî keyeyanê xo reyde bîyî. Çalakî seba ke têkilîyêka xurtêr virazîyo xoza reyde û şînasnayîşêko ekolojîk virazîyo, ame viraştene.
Çarçewaya çalakî de toxim û şitilî ronayî û aktivîteyê xoza yê cîya-cîyayî ameyî kerdene. Beşdaran, muhîmîya fahmkerdişê ciwîyayîşêko harmonîk a xoza reyde reyna keşf kerd.
Serekîya Daîreya Xizmetê Kesanê Astengdar û Pîran, bi nê tewir çalakîyan hedef kena ke kesê Down syndromî komelî de hîna zêde ca bigîrê û hişyarî bivirazo.
Gedeyan reyde xebata atolye
Seba gedeyanê ke odaya kayan şuxulnenê ke girêdayeya Merkezê Ciwîyayîşê Cinîyan ê Serekîya Daîreya Xizmetê Cinî û Keyeyî yo ke Taxa Huzurevlerî de yo, Wendegehê Agroekolojî û Îklîmî de çalakîyêk ame organîzekerdiş.
Çalakî de gedeyan rê agroekolojî, muhîmîya awe, muhîmîya toxim, kompostî, tewirê bîyolojîkî û dewranê ekosîstemî dorûverêko ke zere xoza de ameyî îzahkerdiş.
